ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

សម្ដេចតេជោបញ្ជាក់ថាការតម្លើងប្រាក់បៀវត្សសម្រាប់មន្ត្រីរាជការនឹងចាប់ផ្ដើមនៅខែមករា ឆ្នាំ២០២៣

  • ចុះផ្សាយថ្ងៃទី១៤ ខែមិថុនា ឆ្នាំ២០២២ ម៉ោង ១០:៤៧ នាទី ដោយ Hun Sirivadh
  • 3120
  Aa |   aA

ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន នៅព្រឹកនេះបានបញ្ជាក់ថា ការដំឡើងប្រាក់បៀវត្សជូនមន្ត្រីរាជការ និងកងកម្លាំងនឹងត្រូវចាប់ផ្ដើមនៅខែមករា ឆ្នាំ២០២៣។ សម្ដេចតេជោបញ្ជាក់បែបនេះបន្ទាប់ពីបានប្រកាសជាសាធារណៈអំពីការតម្លើប្រាក់បៀវត្សជូនមន្ត្រីរាជការកាលពីថ្ងៃច័ន្ទ ទី១៣ ខែមិថុនា ម្សិលមិញ។

សម្ដេចតេជោ បានសរសេរនៅលើហ្វេសបុកផេករបស់សម្ដេចនៅព្រឹកថ្ងៃអង្គារ៍ ទី១៤ ខែមិថុនានេះថា៖ «ម្សិលមិញខ្ញុំបានប្រកាសអំពីការដំឡើងបៀវត្សជូនមន្ត្រីរាជការនិងកងកម្លាំងប្រដាប់អាវុធក្នុងភាពមិនច្បាស់លាស់អំពីពេលវេលាដែលបង្កឱ្យមានការភ័ន្តច្រឡំ។ ខ្ញុំសូមបញ្ជាក់ជូនថាការដំឡើងបៀវត្សនិងត្រូវចាប់ផ្តើមនៅខែមករាឆ្នាំ២០២៣»។ 

កាលពីថ្ងៃច័ន្ទ ទី១៣ ខែមិថុនា ក្នុងពិធីបិបិទវគ្គបណ្ដុះបណ្ដាលឆ្នាំ២០២០-២០២១ និងវគ្គបណ្ដុះបណ្ដាលឆ្នាំ២០២២ របស់សាលាភូមិន្ទរដ្ឋបាល នៅព្រឹកថ្ងៃច័ន្ទ ទី១១ ខែមិថុនា ឆ្នាំ២០២២ សម្ដេចតេជោ ហ៊ុន សែន បានថ្លែងថា៖ «យើងខានតម្លើងបៀវត្សឆ្នាំ២០២០ក៏មិនបានឡើង ឆ្នាំ២០២១ក៏មិនបានឡើង ឥឡូវ២០២២នេះយើងនឹងចាប់ផ្ដើមឡើង។ តែឡើងនេះមិនគិតជាភាគរយទេណាឡើងតាមរបៀប»។ 

សម្ដេចថាតាមគោលការណ៍គ្រូពេទ្យនិងគ្រូបង្រៀននឹងត្រូវតម្លើងប្រាក់ខែទាបបំផុត ១លាន ៥សែនរៀល និងមន្ត្រីផ្នែកដទៃទៀតនឹងត្រូវតម្លើប្រាក់ខែទាបបំផុត ១លាន ៤សែនរៀល។ ជាមួយគ្នានេះសម្ដេចតេជោ ក៏បានប្រាប់ទៅរដ្ឋមន្ត្រីក្រសួងសេដ្ឋកិច្ចឱ្យតម្លើងពិដានជាប់ពន្ធផងដែរ ដែលមានន័យថាដែលសម្ដេចចង់ឱ្យអ្នកដែលមានប្រាក់បៀវត្សក្រោម ១លាន ៥សែន ១រៀលនឹងមិនតម្រូវឱ្យជាប់ពន្ធនោះទេ៕ 


ព័ត៌មានជាច្រើនទៀតសម្រាប់អ្នក